الأوراق الخاصة للرئيس جمال عبدالناصر  فيها جوابات كتيرة كتبها لناس أو جوابات جاتله، لكن أغرب الجوابات اللي استقبلها جمال عبدالناصر كان جواب من أم وأبشاب ألماني جاسوس على مصر لحساب إسرائيل، طب إزاي وليه ؟ في الستينيات تعاونت مصر مع عدد من العلماء الألمان لتطوير منظومتها العسكرية والتسليحية ووقعت أشرس معارك الذكاء بين المخابرات المصرية والموساد اللي كان عاوز يعرف تفاصيل شغل العلماء الألمان وإفشالهم أو اغتيالهم يتم اغتيالهم. في الوقت دا كان فيه شاب ألماني اسمه فروفالد جا القاهرة وفي حوزته جهاز لاسيلكي متطور، واتقبض عليه وتم تقديمه إلى المحكمة اللي حكمت عليه سنة 1966 بالسجن المشدد 10 […]

ولاد أبو إسماعيل الحقيقيين قامت حبكة فيلم بوحة لـ محمد سعد على الصراع مع “ولاد أبو إسماعيل !!”، وكان بيقول “اللي ما عمرنا سمعنا عنهم في طبق اليوم”، ولاد أبو إسماعيل في الفيلم مش معروف هم مين، لكن في التاريخ لهم وجود ووجود قوي. في سوهاج جهة الشمال الغربي لشندويل، وبالتحديد غرب مركز المراغة موجودة قرية أولاد أبو إسماعيل، بس هو مين إسماعيل اللي له ولاد دا ؟ هو شيخ العرب إسماعيل سيف الإسلام بن بكار بن همام بن سيبك الهواري المغربي، واللي استوطنوا في أواخر العصر الفاطمي بصعيد مصر حيث القرية الموجودة على اسمهم، وأحدثوا طفرة حقيقية في المراغة […]

  لما نقول نبوية موسى هيجي على بالنا على طول إنها أول ناظرة مصرية لمدرسة ابتدائية ثم ناظرة لمدرسة المعلمات وبعدها اتولت منصب مفتشة التعليم الأولى، لكن في جوانب صعبة في حياتها. نبوية موسى كانت نشطةً في الحراك النسائي وسافرت كعضو في الوفد النسائي المصري إلى مؤتمر المرأة العالمي المنعقد في روما 1923 م وبمجرد عودتها للقاهرة بدأ التنكيل بيها. نبوية موسى مكنتش من المحظيات في مصر سواءًا من حكومة الوفد الحكومة الوفدية أو سلطات الاحتلال ولا حتى القصر، وبسبب نشاطها فالانجليز غضبوا لدرجة خلت المستر باترسون مستشار الاحتلال في وزارة المعارف يقرر منحها أجازة مفتوحة مدفوعة الأجر بمرتب 42 […]

    لما بدافع عن حريتي الشخصية كامرأة كفرد وبححكي اني تمردت على امور كتيرة كان مسلم بيها في محيطي الاجتماعي مع انها غلط …. مع كلمة انا حرة ناس بترتعب كدة وتتخض وكأني طالما بقول اني تمردت قبل ما احكي عن ايه أو حتى من غير ما يتسائلوا بيتخيلوني بنزل ابوس الرجالة ف الشارع   لكن تخيل بقى إن الضامن الوحيد للأخلاق هو الحرية ..والضامن الوحيد  لحماية خصوصيتك هو الوعي ثم الاختيار ومفيش حد بيختار وهو مكره أو خايف   ،،،، ايوة يعني عايزة تقولي ايه رشااااا   عايزة اقول للستات أولًا ثم الرجالة  ان اهدارك لمساحتك الشخصية أو […]

أغنيات بين البعث والأحياء.   كتير من المطربين لما بيحب يعيد تقديم أغنية قديمة بيختار دايما الأغاني المشهورة الناجحة، ممكن لحلاوة الأغنية أو استغلال لنجاحها السابق لكن عاوزين نتكلم عن بعض الأغاني اللي ما نجحتش في الاصدار الأول ليها ونالت شهرة كبيرة لما اعاد تقديمها مطرب تاني. مش هنحاول نبحث في أسباب فشل النسخ الأولى لكن هنحاول نرصد ونوثق الأغاني دي اللى بعض الجمهور ما كنش يعرف ان ليها اصدار سابق بل وبينسبوها بالكامل للمطرب اللى أعادها للحياة من تاني. أول أغنية معانا هي “وأنا أعمل ايه” واللى اتعادت بصوت هشام عباس.  الإصدار الأول من الأغنية كان بصوت المطرب مصطفى […]

تعتبر سنة 1992 هي اكتر سنة شهدت انتاج موسيقي لحميد الشاعري، في السنة دي حميد عمل حوالي 50 لحن ووزع 116 أغنية، وبحسبة بسيطة هنلاقي أن حميد تقريبًا وزع 15 شريط غنائي لوحده، وده رقم ضخم جدًا يبتعد بمسافة عن حسام حسني اللى كان نصيبه بس في السنة دي حوالي 48 أغنية. الفترة دي كان أغلب مطربين موسيقي الجيل ماشيين ورا رؤية حميد اللى كان بيشرف على المحتوى الموسيقي بالكامل بل مش هبالغ لو قلت أن كلهم كانوا بيروحوا الاستوديو مش عارفين مين عليه الدور في التسجيل. أشهر شرايط وزعها حميد في السنة دي كانت شبكني الهوي لأحمد جوهر ومعجباني […]

  من عام 630 م كان على غير المسلمين سواءاً كانوا وثنيين أو أهل كتاب إنهم يدخلوا مكة، لحد ما نجح لودفيكو دي فارتيما بعد 873 سنة من فتح مكة ، في إنه يروح مش بس كرحالة وإنما كـ حاج ، وكانت زيارته للبلد الحرام هي فاتحة لشهية لأكتر من 100 رحالة مسيحي زاروا البلد الحرام كحجاج. الفضول والغيرة هما اللي خلوا لودفيكو دي فارتيما يعمل الزيارة دي وهو من جواه عارف إنها زيارة هتكلفه حياته لو اتكشف أمره، لكنه جازف مجازفة بقيت الأشهر في حياته كلها. فيه خلاف بين المؤرخين حوالين الأسبقية في زيارة المسيحيين لمكة، هل كان فارتيما […]

  لما ظهر القطر لأول مرة شكل الحياة في مصر اختلف على كافة المستويات، وبعض المحافظات دخلت التاريخ بقصص مختلفة زي محافظة الشرقية لما عزمت ركاب القطر في قرية إكياد في مركز فاقوس بمحافظة الشرقية، بس فيه محافظات تانية كان لها موقف مختلف. لما ظهر القطر لأول مرة في الدلتا أهالي محافظة كفر الشيخ استقبلوه بالطوب وتحديدا في منطقة محلة روح، وهو نفس التصرف اللي عمله أهالي شبين الكوم والزقازيق، وكانت مكاتب الصحافة في تلك المحافظات بتابع الأحداث عن كثب. وصفت جريدة الأهرام أهالي منطقة محلة روح وكفر الشيخ بالرعاع وقالت تجمع العشرات منهم على ممر السكة (الرصيف) بين بين […]

    في كل كتب التاريخ اللي تكلمت عن الشوارع، مافيش ذكر لمنطقة الهايكستب إلا في صف 414 من كتاب خريف الغضب، لـ”محمد حسنين هيكل”، في فصل مقتل اغتيال السادات حيث تعرض للمسألة عند ذكره لمكان خالد الإسلامبولي، وقال إن هايكستب اسم جنرال أمريكي خلال الحرب العالمية الأولى، لكن المعلومة دي غلط الهايكستب منطقة عسكرية على طريق الإسماعيلية، وتحتوي على مركز تجنيد، بالإضافة لمعتقل ومدينة خاصة بضباط القوات المسلحة. قبل العام 1943 م لم يكن للمنطقة اسم، لكنها اتميزت بالسجن الكبير اللي سُجِن فيه اليساريون والمغضوب عليهم من البوليس السياسي، ثم تم استخدامها عام 1941 م كمستودع للإمدادات العسكرية في […]

  جرت العادة إن الباحثين على القاهرة اسم قاهرة المعز لدين الله بينما الحقيقة أن أفضل تسمية هي قاهرة العزيز بالله الفاطمي، فالمعز وإن كان قد تم تشييد القاهرة في عهده على يد جوهر الصقلي لكنه  ميستحقش إن اسمها يرتبط باسمه. سببين يخلونا منقولش قاهرة المعز أولهم أنه مكنش بيحب موقعها لحد ما مات ويؤيد ذلك كتاب اتعاظ الحنفا لما قال المعز لجوهر الصقلي «لما فاتك عمارة القاهرة بالساحل، كان ينبغي عمارتها بهذا الجبل»، يعني كان المعز ان عايز تأسيس عاصمة الفاطميين على شاطئ نهر النيل أو سفح المقطم. أما السبب الثاني أن المعز لدين الله محكمش من العاصمة الجديدة […]