وأنا بحاول اتلخبطت ولما فهمت نجحت ومش مشهورة نجحت ولا مليونيرة ولا ومش في منصب سلطة – يوميات واحدة ست

النجاح ايوة اللي هو يعني ايه كان ممكن أربط النجاح بالسعادة بس أنا ف أوقات كتير كنت محققة هدفي وناجحة وفي نظر كتير من الناس كمان لكني كنت محبطة في الوقت نفسه، عشان كدة يا إما الإحباط لا يعارض السعادة أو ينفيها يا إما النجاح مش هو السعادة ولا تحقيقيها طيب لو مش هو السعادة هل النجاح ثروة .. شهرة ..أو مرادف لتحقيق الهدف طيب هل يلزم نجاحك اعتراف الناس بيه .. افرض إن أهدافك مش محل اهتمام الآخر افرض انت مغمور او تغرد بعيدا او انت بقى اللي خارج الصندوق بجد والغالبية مدعيين ما يمكن تعريف النجاح مختلف من واحد للتاني ؟ بس الأكيد إن الدنيا كلها بتطلب مننا اننا ننجح —— يقولك عايزة اشوفك انسان ناجح شوف رجل الأعمال الناجح دا أو فلانة قدرت تنجح رغم العقبات التي واجهتها وبالتالي انا محتاج قبل ما يصيبني الحزن او السعي في مواضع قد تكون خطأ علشان ابقى ناجح لازم اعرف ابقى ناجح يعني ايه يعني ايه ابقى ناجح على فكرة التعريف دا مهم   يوميات واحدة ست وشا الشامي حتلاقوني على ابل بودكاست وموجود على حسابي عل انستاجرام وتوتير باسم رشا الشامي برده ——————— هل ينفع نعمم الصور النمطية للناجح على نفسنا لكن معظمها مش مناسبة خالص للحقيقة حقيقتنا ولا أحلامنا لإننا مش نسخ عن بعض ولا سعينا في الحياة واحد ولا رسالتنا   ببساطة و بشكل واضح كدة .. يعني لما استحقيت ف يوم من الأيام فرصة مهمة في شركة كبيرة جدا ورفاهيات وسلطة ها خلي بالك يعني و في تخصصي اللي بحبه  ..كان لازم وقتها اعتبر نفسي ناجحة .. بس دا محصلش مكنتش حاسة أبدا اني ناجحة و معتبرتش الوصول للفرصة دي نجاح بقدر ما كان أملي في نجاح التجربة نفسها بتغيير معادلات كتير في الشغلانة بتاعتي وفتحها آفاق لغيري وتغيير شكل المهنة وتصويبها … دا كان تعريفي للنجاح ف الحالة دي تحديدا   مكنش في سعادة وهنا أثناء الوظيفة دي بالعكس بدأ السعي فيها لتحقيق النجاح من خلالها  علشان كدة لما تغيرت الظروف – انتوا عارفين بقى غالبا واحنا بنبدأ شغلانة بتتقالنا كل الوعود ثم بنصحى على واقع مختلف .. ااه مش حتفرق موظف صغير ولا المدر ولا حتى المؤسس ورئس مجلس الإدارة يعني غير مفهومك عن كلاشيه اشتغل لغاية ما يبقي عندك مكتب بحام خصوصي …لإن دي خصوصيات الشغلانة اللي المفروض تحقق من خلالها نجاح مش هي النجاح يا خويا المهم انا ايه اللي وداني للحمام لما اتغيرت الظروف ومبقاش تحقيق هدفي من خلال الوظيفة دي ممكن … اعتبرت قراري بإنهاء التجربة دي واختياري الاستقالة وخسارة الوظيفة المهمة بكل متعلقاتها ..نجاح   النجاح هنا كان عدم تضييع الوقت والحهد والطاقة في مكان مش حوصل لهدفي من خلاله النجاح كان قدرتي علاي رفض المغريات اللي عند الناس واتساقي مع نفسي وتعريفي واحساسي   وقتها مكنتش عارفة اني وانا بمشي واقعد ف البيت بنجح لكن كنت حاسة براحة كبيرة لكن بعد ازاي مرور السنين القليلة اللي فاتت وكل  بفتكر قراري بحس بسعادة وفخر بنفسي كبير ومبتكلمش خالص عن الفرصة نفسها لكني بفخر بتركها يبقى دا نجاح شخصي مهني قيمي لكنه انتصار اشعرني بالرضا عن نفسي وبالراحة     طيب هل دا معناه ان النجاح فعلا مستحيل يكون تعريفه واحد عند كل حد فينا ودا بيضعنا قدام طرح او سؤال ممكن يضايقنا… هل النجاح وجهة نظر ….   مثلا ودي حاجة حتقرب اللي عايزة اقولهلكم وبنشوفها كتير حوالينا شباب موهوب في معهد فنون مسرحية مثلا يعني بيدرس وبياخد الطريق الصعب علشان ينول دور في عمل ويبدأ كومبارس يشتغل سنين وسنين على المسرح بدون أجر  .. وف المقابل وشخص ما مدعوم بدون موهبة ولا استحقاق قدر بسهولة يحصل على بطولة ما ولم يستحسن اداءه الجمهور ….الجمهور ماحبوش بس قدر برده بعدها ياخد دور أكبر وهوب هوب هوب  بقى نجم او بقت نجمة واعلانات بقى وعقود وبراندات ومظاهر ثراء ورفاهية   ساعتها الإنسان او الانسانة دي النجم يعني هل حيشوف انه ناجح  ؟ سؤال مهم محتاج تتخيل وتتوقع اجابته علشان يساعدنا نكتشف أو نتفق على معنى النجاح  … انت بقى او انتي يا طالبة المعهد او طبيب الامتياز او المهندس اللي بيتدرب او الصحفي او الطبيب اللي في عيادته يوميا هل بتسعى لنجاح مرتبط ب.. الناس حتقول عليا ايه… مش حتقول عليك حاجة  الناس مش حتعرفك اصلا علشان تشوفك وتقول ودا أكتر تعريف فاشل للنجاح انما حيكون عندك سمعة جيدة فقط وسط المتعاملين معك في دايرتك هما اللي يعرفوكوا في الكار بتاعك  … ………………   لو بتحاول تسمعني صوتك ومضايق ان دا بودكاست مش راديو فيه مداخلان   حقولك ااااه الواقع المؤلم بيحرضكم  هنا تسألوني سؤال لو بمنطق النجم اللي خد فرصة وقدر يكمل بفشله وياخد فرص متتالية ويطلع ف البرامج يتكلم عن نجاح عمله اللي متحققش غير عبر اللجان وأخبار العلاقات العامة المدفوعة ..لأ وطلع للناس عبر كل الوسائط يحمد ربنا ع النجاح ههههههههه واهم حاجة آراء الجمهور والنقاد اللي اشتراها او فبركها  ونظيره اللي مش عارف ياخد عشر فرصة يستحقها والاحتراق النفسي اللي حاصره هل دا معناه ان غير المستحق نجح بقي او اشترى النجاح والمستحق اللي بيعمل دوره ومتمكن من شغلته هو اللي فاشل… …………   لو اتفقنا على دي بس  لحاجات كتير حتتغير وحاتسهل علينا اعدها تاني ؟ اعيدها   للأسف الصورة اللي قلتها دلوقت سببت مشاكل وخلل  كتير أولا ركزت على قيمة الوصول لشهرة او ثروة بأي تمن بهدف سيطرة وقفل كل طريق على اي قادم بقوة من المستحقين وباعتباره دا تعريف مرادف للنجاح مش مهم الطريقة …شجع دا اكتر على ارتياد مجالات ممكن تحقيق الشهرة من خلالها عن مجالات تانية وارد  يكون فيها شغف الإنسان نفسه لكن حيروح للمجالات اياها ويسيب مكان كان حيعمل فيه فارق وأثر بس الأهم من كل دا ان الصورة دي كانت سبب في احباط الملايين لإنها خلتنا ببساطة كلنا علي بعض وف لحظة من اللحظات نقرر رغم مجهود عملناه ومهارات اكتسبناها وقرارات صح خدناها اننا نقتنع اننا  فشلنا واننا فشلة وللحظات كتير بصينا على اللي خد فرصة من غير استحقاق بزعل .. قصدي بقهر قهر من احساسنا بظلم مش قهر لاننا حاسدينه او حاقدين عليه بالعكس معظمكم مبيكونش محترم تجربته وشايف قد ايه مزيفة     خلوني احكيلكم حكاية   في وقت ما من سنين كنت عملت مجهود وأطلقت شغل ما بفريق عمل اختارته من طلبة جامعة علمتهم ودربتهم ولما نجحنا لقيت حواليا زملاء ظهروا من حيث الما وراء وبقوا عندهم مناصب وسلطج معايا ف الشغلانة كانوا وقت التعب والمخاطرة مش موجودين علشان لو المشروع فشل تبقى رشا فشلت لو نجح يبقى نجحنا كلنا  ف عالمنا يا عزيزتي ويا عزيزي النجاح له مليون اب والفشل تشيله لوحدك   بتحصل معاكم اكيد .،، او حتحصل ..واحد فيهم من زمايلي دول اللي ظهر بسلطة ما جنبي كان دايما يقولي النجاح يا أستاذة رشا وجهة نظر يعني انا وصلت لمنصب زيك بدون استحقاق وانتي وصلتي بالشغل وطلع عينك ..قدام الناس اللي متعرفناش احنا الاتنين وصلنا وحيشوفنا احنا الاتنين ناجحين …   طبعا ودا ليكم انتوا  داخل المؤسسة اللي احنا فيها او فريق العمل محدش كان فاعل وكبير وله تأثير اير اللي اشتغل بجد غيري   مع ذلك جملته كانت بتغظني – النجاح وجهة نظر – واللي كان بيلحقها بجملة تانية وهي مش مهم وصلت ازاي او ايه اللي وصلني المهم اني وصلت ومش مهم اني اكون صنعت نفسي مش لازم المهم اكون اتصنعت   كنت بحس ان المفهوم دا فيه ظلم كبير مش ليا ظلم ف العموم وانعدام نزاهة ومثل سئ لللشباب اللي بكتشفهم وبيشتغلوا معايا وكان دا بيأثر عليا وبيجرني لمعارك صغيرة سفيهة محركها عدم الفهم او عدم قبول الواقع والتصميم على فرض مفهومي للنجاح باعتبار ان اي نجاح غير مستحق فهو مش نجاح اصلا   انت دلوقتي او انتي وانتوا بتسمعوني اكيد كل واحد بيشوف كدة نفسه هو انا ناجح ولا لأ   طيب ممكن ناخد ثواني وكل واحد بيسمعني يعرف النجاح لنفسه اللي عايز يحققه ———————-………..————— مظنش حد عرف اظن الغالبية اكتشفت انها عاشت عمرها كله عايزة تنجح بس معندهاش تعريف محدد وقاطع للنجاح او البعض اكتشف دلوقت معايا انه منساق لتعريفات المجتمع المحدودة وغير المناسبة     لو انا كنت حسمت الحكاية دي بدري جوايا ايوة التعريف النجاح لو كنت استقريت على تعريف يخصني بدري كنت وفرت على نفسي وجع قلب واحباط واحساس بهضم الحقوق والظلم ومكنتش ضيعت طاقتي ف فرض تعريفي انا على البيئة اللي بشتغل فيها لإني ببساطة غير متحكمة في قيم البيئة دي ولاظروفها   كمان أظن ان عدم وضوح التعريفات بالنسبالنا هو من اهم اسباب خناقاتنا مع بعض رغم اننا ف كتير من الاحيان بنكون متفقين بس مش فاهمين علشان مهتمناش نكتب تعريفنا عن كل مفهوم وقيمة في حياتنا ونناقشه علشان نتأكد اننا فاهمين زي بعض ان كان المفهوم او التعريف دا لل سعادة فشل انكسار انوثة جدعنة رجولة او حب الخ من تعريفات كتير ححاول في يوميات واحدة ست اتكلم عن اكترهم اثارة للخناقات بينكم وبين بعض   لكن خلينا دلوقت فالنجاح   عدم الفهم وعدم التحديد بيقابله ارتباك وتخبط   فضع تعريفك قبل ان تمضي ف طريقك لإنك صدقوني مش ممكن تتخذوا القرارات الصحيحة في طريقك للنجاح وانت مش مستقر على تعريفه وفاهمه كويس -انا بقول الكلام دا لان عدم الفهم بشكل محدد ودقيق كان سبب ف تضييع وقتي وجهدي ف معارك جانبية ملهاش دعوة خالص بمشواري ولا طريقي اللي اختارته   ………..   سريعا تعالوا نعيد تذكر تعريفات النجاح اللي اتكتبت او اتقالت قبل كدة ، دي طريقة حتساعدكوا تتأكدوا من تعريفكم للنجاح وتتوكلوا على الله بدون ما حاجة تشككم وتعطلكم   في ناس بتعرفه باعتبار ان النجاح لما تبذل قصارى جهدك. حتى لو لم يؤد ذلك إلى نتائج كبيرة. إذا كنت قد بذلت قصارى جهدك ، فيجب أن تشعر بالفخر لجهودك. .. بس كوني اشعر بالفخر مش معناه اني نجحت لكن انا بذلت جهدي برده يعني شبه يوم ما استقالت شعرت بالفخر لكن هل نجحت لأ كان هدفي انا قلته ف الاول فلو بتسمع وانتوا مش مركزين عيدوا البود كاست من الاول  …   ممم تعريف تاني بيقول . النجاح هو تحديد أهداف ملموسة. حسيبلك انت وهي الحكم هل يكفي القدرة على تحديد الهدف وإن كان كل نجاح مرهون   بإنك تعرف إلى أين تتجه ، لكن هل دا نجاح بحد ذاته ، حتى لو لم تصل في النهاية إلى الوجهة المخطط لها.  

4. النجاح هو انك تقدر تأمن حاجاتك الأساسية يعني متبقاش محووج … ودي في ناس كتير بتعتبر دا نجاح احمد ربنا علاي وظيفة بتدفع منها الايجار او قسط الشقة وبتاكل وتشرب وتسد الفواتير ورغم ان دا في ٢٠٢١ تحدي مهم ف العالم كله بس انا بشوفه منتهي البؤس ان ابقى ناجح علشان عارف اكل نفسي …اللعنة بصراحة يعني اعتبرها اني بقيت مستقل و معتمد علي حالي لكن ناجح وخلاص كدة لا بصراحة مش حوافق اني ابقي نجحت لاني مجوعتش ولا بيقت  مشردة ..بس انت ايه رأيك طبعا ف الزمن دا كونك قادر تحقق سكن وعيشة ف مستوى كويس انجاز ..بس انا مش عايزة اسميه نجاح وانتي أكيد تحدي كبيرك انك تستقلي بنفسك اقتصاديا وتكوني صاحبة قرارك لكن ااه نجحتي ف التحدي ومكن اقتنع ان التحدي دا اصعب من النجاح بس مش نجاح هو انتي استقليتي ليه مش علشان تمارسي عملك تتركي آثرك وتعملي فارق مكنش ممكن تعمليه الا لو استقليتي ….. فازاي يبقي الاستقلال نجاح …. حاجة تلخبط مش قلتلكم ان اصعب حاجة انك تقعد مع نفسك وتكلمها وترتبلها وتتاكد منها وتتفاهم معاها

  تعريف تاني او رابع تالت معرفش

5. النجاح هو إيمانك بنفسك

اعتقد ان ايماني بنفسي ضرورة لتحقيق النجاح لكنه مش نجاح ف حد ذاته ودي جملة كدة بنريح بيها نفسنا    

6. النجاح هو قدرتنا الموازنة بين العمل والشغف.

وانا بقول ان دا وارد يطبطب على روحنا واحنا غالبا مش قادرين كلنانشتغل ما نحب ونترقى في تخصصنا اللي شغوفين بيه   لكن انا وبالأصالة عن نفسي بكره التكيف ومناطق المنتصف اللي بتخلينا نقوم بالمهام علي وجه جيد لكن بدون اختلاف بدون خلق وبدون احداث تغيير وأثر   الحياة بدون شغف قاتلة انما انا تغلبت على دا بمهام تطوعية كتير علي مر السنوات مارست شغفي بدون مقابل وبدون دعم ولغاية دلوقت والله  .،ما هو كتابة البودكاست دا وعصر دماغي هو ممارسة للشغف ف أبهى صورها تواصلي معاكم وردود أفعالكم علي اللي بقوله دا بيسعدني وخلاني قادرة اكمل ف شغلي المليئ بالمنغصات لكني كنت اتمنى انه يكون شغلي أقل ضغط وأقل إرهاق  ..يارتنا نقدر نختار ..عشان كدة  ،.. لا لا التكيف مش نجاح 🙂 انا ضد اني اعتبر الموائمات انجاز رغم اضطرارنا ليها   العمل بدون شغف بيخلق ضغوطًا لا داعي لها وإنجازات فارغة.   طيب هل

12. النجاح هو انك تتعلم حاجة جديدة كل يوم.

ممكن لو ضمن خطتك اللي انت دارسها لكلن لو بدون تخطيط ممكن اعتبر  التعلم اليومي استثمار للوقت تفريغ للطاقة وملى للداخل وزيادة للقيمة الاساسية ليكي كبني ادم .. لكنه كفيل يعيشك حياة ممتلئة فلو دا نجاح تمام بس متروحش تسجل في كورسات وسيشن وتفضل تتعلم وتتعلم حاجات فرعية كتير متثمرش عن حاجة مش معقولة عايز تحقق ريكورد ف عدد المهارات اللي اكيد كتكون محدودة كل ما زاد عددها     الحقيقة كل واحد ممكن يضع تعريفه الخاص للنجاح ويعتمده ويحدد معركته ودورهزفي الحياة بما يناسبه لكن عايزة اقولكم اني حاولت اوجز المحددات الضرورية جدا في نظري علشان تبقى ناجح طبها اولها تحدد هدفك كويس وتشعر بالوفرة والنعم علشان تنطلق لهدفك وميبقاش محرد سعي لاستكمال او تغطية نقص وبدافع عدم رضا لان دا حيحققلك هدف ما لكنه مش حيخليك ناجح تالت حاجة انك تكون مدرك وواعي وقادر علي انك تقول لأ بقطع ووضوح وصراحة لما الدنيا تسحبك زي الموج العالي بعيد عن الشط اللي عينيك او خيالك بيستهدفه   حرر هدفك وخليه واضح من كل رغبة ساذجة بالشهرة او السيطرة او السلطة او تقدير الاخر  اللي هو اصلا عنده خلل ف التعريفات وبالتالي حتمون لأ أسهل ما يمكن لتصحيح مسارك مع انها قد تكون عند حد بيسمعنا دلوقتي جنون تام وخبل ..برغم ان كل اللي ساب الموج يسحبه ليابس مكنش عايز يبقي عليه عاش غضبان ومعلق مره على المجتمع والاهل والظروف والناس الا نفسه وقراره اللي مخدوش   . التغلب على الخوف مهم علشان بيحررك وبيجعل الصورة واضحة قدامك ويشجعك على لأ ف مكانها والإقدام ف مكان ما انت عايز     فاكرين السوال اللي سألنا هل صاحب النجاح المزيف ناجح فعلا لأ طبعا لإنه ف قرارة نفسه عارف انه غير مستحق وهنا شرعية ونزاهة النجاح ضرورة وشرط لاستشعارك انت نجاحك جواك واللي حيكون ظاهر بوضوح لأي شخص يقابلك   النجاح زي ما تخيلته اول ما بقيت مسئولة عن مكان ضمن تخصصي اني اغير بتخصصي دا الحياة للأفضل واني افرق علشان كدة وبرغم بساطة البود كاست دا لكن ردود الفعل من مستمعيه حسستني وحققتلي نجاح متحققش لما كنت ف مواضع تانية بسبب اني مكنتش قادرة اتحكم ف كل الظروف   اذا النجاح انك تقدر تحدث فارق باللي بتعمله لصالح الناس والغير مجتمع بلد حي جمهور قراء مستمعين ساكنين مشتريين مرضى زملاء عمل زبناد مهنة الخ كل دا وزيدوا عليه. يعني النجاح انك تبقى قادر تغير وتفيد اللي حواليك وان التغيير او النفع دا يحقق رضاك عن نفسك اذا هنا نجاحك لازم يكون حقيقي    فبطبيعة الحال مستحيل من سرق نجاح او زيفه يعمل فارق موافقني لو معترض ،،فكر ف تعريفك وكل امنياتي بالنجاح